માળાના મણકાઓ ખૂટયા
અચાનક હાથ અવાચક
પિંજરથી પંખીઓ ઊડ્યાં
સાવ અચાનક હાથ અવાચક
કેન્વાસ પર છબી અધૂરી
આકારોને ઝંખે;
સપનાં કેરાં તોરણ આજે
સાપ બનીને ડંખે
કૂવા કાંઠે બેડાં ડૂબ્યાં
સાવ અચાનક હાથ અચાનક
અધ વચાળે સીંચણ તૂટ્યાં
સાવ અચાનક હાથ અચાનક
પગલાંઓમાં પગલું ભળતાં
વાટ અનેરી થાતી
ઊઘડતી અજનબી દિશાને
ક્ષિતિજો મદમાતી
યાદોના બે શ્રીફળ ફૂટયાં
સાવ અચાનક હાથ અચાનક
પાદરમાં સંબંધો સળગ્યા
સાવ અચાનક હાથ અચાનક
આહમદ મકરાણી
