આપના હાથમાંથી વછૂટી ગયો છું,
હું અરીસો નથી તોય ફૂટી ગયો છું.
મેં ઉલેચ્યો મને રોજ મારી ભીતરથી,
ને હું મારી જ અંદરથી ખૂટી ગયો છું.
હું અડાબીડ છું, વાંસવનમાં ઉઝરડો,
ક્યાંક બટકી ગયો, ક્યાંક તૂટી ગયો છું.
મેં મને આંતર્યો છે સખત ભીડ વચ્ચે,
ફક્ત મારાપણું સાવ લૂંટી ગયો છું.
જીવ ચાલ્યો ગયો છે મને પ્રશ્ન મૂકી,
કઈ જનમટીપમાંથી હું છૂટી ગયો છું.
– ભરત ભટ્ટ ‘તરલ
![](https://www.kavyadhara.in/wp-content/uploads/2019/04/bharat-bhatt-1024x1024.png)
![](https://www.kavyadhara.in/wp-content/uploads/2019/03/મારો-અભાવ-મોરની-માફક-ટહુકશે-ઘેરાશે-વાદળો-અને-હું-સાંભરી-જઇશ.-–-મનોજ-ખંડેરિયા-1024x576.png)
![](https://www.kavyadhara.in/wp-content/uploads/2019/04/સમેટાઈને-તારી-સામે-બેસી-જઈશપરભુડા...-કે-ઝંઝાવાતની-રજૂઆત-દીવા-જેવી-કરવી-છે-લલિત-ત્રિવેદી.png)