મેં નથી સુકાની બદલ્યો, ન સુકાન ફેરવ્યું છે
દરિયાનું એ રીતે મેં, અભિમાન ફેરવ્યું છે.
તું મને ઉદાહરણમાં, હવે ટાંકવો જવા દે;
મેં જીવન જીવી જવાનું, અભિયાન ફેરવ્યું છે.
આ સવાલ પ્રેમનો છે, તરત જ અમલ તું કરજે,
તું ગુમાન ફેરવી લે, મેં સ્વમાન ફેરવ્યું છે.
મને એટલી ખબર છે, અભિનય સમય કરે છે,
હવે દુ:ખનાં પાત્રમાં છે, પરિધાન ફેરવ્યું છે.
બહુ કરગર્યો છું એને, છતાં એક વાતે ખુશ છું,
હવે એ જ પારધીએ, જો નિશાન ફેરવ્યું છે.
તમે વાત આ જવા દો, હું ઈનામ છું જ મારું,
મેં બીજા ઈનામ પરથી, હવે ધ્યાન ફેરવ્યું છે.
મેં નથી સુકાની બદલ્યો, ન સુકાન ફેરવ્યું છે
દરિયાનું એ રીતે મેં, અભિમાન ફેરવ્યું છે.
તું મને ઉદાહરણમાં, હવે ટાંકવો જવા દે;
મેં જીવન જીવી જવાનું, અભિયાન ફેરવ્યું છે.
આ સવાલ પ્રેમનો છે, તરત જ અમલ તું કરજે,
તું ગુમાન ફેરવી લે, મેં સ્વમાન ફેરવ્યું છે.
મને એટલી ખબર છે, અભિનય સમય કરે છે,
હવે દુ:ખનાં પાત્રમાં છે, પરિધાન ફેરવ્યું છે.
બહુ કરગર્યો છું એને, છતાં એક વાતે ખુશ છું,
હવે એ જ પારધીએ, જો નિશાન ફેરવ્યું છે.
તમે વાત આ જવા દો, હું ઈનામ છું જ મારું,
મેં બીજા ઈનામ પરથી, હવે ધ્યાન ફેરવ્યું છે.
ગૌરાંગ ઠાકર
>