ચૂચૂકપુષ્પની ટોચે ફતોજી ચુંબનવલ્લી છાપે
નિજ શ્યામાનુ અધર ગ્રહીને સખ્ય હોઠનું સ્થાપે
ઊભા વરસ્યા મેહ
ફતોજી ટૌકો માંગે
ભડભડ સળગ્યા દેહ
ફતોજી ટૌકો માંગે
તન ચંપાનો ગજરો ગૂંથી ખળખળ કરતાં આણે
પ્રીત કરીને પારેવડીને સોનલસેજમાં તાણે
ચૂચૂકપુષ્પની ટોચે ફતોજી ચુંબનવલ્લી છાપે
હળવે અંતર કાપ્યા કુંવારિયા
હળવે દેહ માપ્યાં કુંવારિયા
તે
બોલ્યા ચિકવિક ચિકવિક દેહ
ફતોજી ટૌકો માંગે
આડા વરસ્યા મધમધ મેહ
ફતોજી ટૌકો માંગે
ઊડી ગંધ ચહું દિશ
ફતોજી ટૌકો માંગે
ઊડ્યા રંગ લખવીસ
ફતોજી ટૌકો માંગે
હેતથી ભીનો ટૌકો ટેંહૂક ટેંહૂક આયો
છાતીની હોય ખૂંદતો લીલો મોર આયો
મોરલો ઢેલની ગંધે આયો
મોરલો ઢેલ પરમાણે આયો
ખળખળ કરતી સેજડીએ ફતોજી ટૌકો સુણે
ચૂચૂકપુષ્પની ટોચે ફતોજી ચુંબનવલ્લી છાપે !
પરેશ દવે
